GLOGSTER

GABONAK




HELBURU HEZITZAILEAK:

     Programa honen bitartez, elortzea nahi duguna ez da teorikoki, beti egin den bezala gai bat ikastea eta kito, baizik eta, eginez eta, beraz, gai  horri buruz hausnartuz ikastea eta garatzea. horren arabera, ikasleak arituz, guk adibide bezala garatu dugun kartel elektroniko bat izango balitz bezala sortuko dute.

LANDUTAKO GAITASUNAK:

   - Ikasten ikasteko gaitasuna: honekin esan nahi dudana da haurrak bere kabuz kartela sortzeko informazioa bilatuz ikasiko dute.
   - Informazioa tratatzeko eta teknologia digitala erabiltzeko gaitasuna: aurrean esan dugun bezala, kartela egiteko materiala, Internetetik bilatu beharko dute eta programa bera haiek erabiliko dute.
   - Giza eta Arte-kulturarako gaitasuna.

NORI ZUZENDUA:

    Ikasteko modu berezi hau, 3.zikloan erabiliko genute bereziki, nahiz eta aurreko zikloetan irakasleak berz prestatutako glogster batekin landu daitekeen gai txikiren bat.

ABANTAILAK:

    Ariketa honek dakarren abantaila da, honen bidez landutako edozein gai ez dutela denbora luzean ahaztuko, paper batean irakurrita izango balitz gertatzen ez den bezala.

ERREKURTSOAK:

    - Ordenagailua edo arbel digitala.
    - Internet.
    - Glogster

Watch live streaming video from magisteritza at livestream.com

JIGSAW PLANET, OSATU PUZZLEA

Helburu hezitzailea:
Ikasleek ikastea nahi duguna  puzzle bidez ikastea lortzen dugu, hau da, irakurri eta gogoratuz ikasi beharrean, bistaz eta egiteaz baliatzen dira ikasteko. Beraiek egin ondoren, puzzlea osatuta dagoenean argi ikusten delako ikastea nahi duguna eta Euskal-Herria zein herrialdek osatzen duten jakiteaz aparte bakoitzak zeinekin egiten duen muga, zein dagoen iparrerago eta zein hegorago... ikusi eta ikasiko dute.

Landutako gaitasunak:
-Ikasten ikasteko gaitasuna: Beraiek egin behar dutela puzzlea kontuan harturik, ikasten ikasiko dute eta gainera bukatuta dagoenean kontzeptuak argiago ikusiko dituzte.
-Informazioa tratatzeko eta teknologia digitala erabiltzeko gaitasuna: Beharrezkoa dute daukaten informazioa tratatzea puzzlea ondo egiteko eta gainera programa erabiltzeko orduan teknologia digitala garatu eta erabili beharko dutenez, biak garatuko dituzte.

Nori zuzendua:
Ariketa hau, bigarren zikloko ikasleei bideratua egongo da, inguruneko ikasgaian eta Euskal-Herria ren gaian. Hala ere, hirugarren zilkoan ere erabil dezakegu.

Abantailak:
Programa honek hainbat abantaila eskaintzen ditu, adibidez, egiten dutena ondoren ikusi ahal dute eta dagoeneko puzzlea osatzen dutenean kontzeptuak argiago geratuko zaizkie, beraiei eginda eta idatzita eman ordez, beraiek egiten dutelako eta bistaz baliatuz hobeto ikasten dutelako.

Errekurtsoak:
-Jigsaw Planet programa
-Internet
-Ordenagailua
-Klase guztiarentzat egin nahi bada, arbel digitala

Tutoriala:

Watch live streaming video from nbaperu at livestream.com

SCRATCH. IKAS DITZAGUN KIROLEN EZAUGARRIAK.

Conoce más sobre este proyecto

Helburu hezitzailea:
Erakustea nahi duguna edo irakasgaia, erakargarri bihurtzen du ikasleentzat, ohiko paper eta ariketak egin ordez, marrazki, mugimendu... daudelako eta horrek umearen interesa pizten du. Horrela umea ariketak egiteko gogotan egongo da eta gustora egingo ditu.

Landutako gaitasunak:
-Ikasten ikasteko gaitasuna: Ariketak bitarteko honekin egitean, atentzio gehiago jartzen dutenez, ikasten dutena hobeto barneratuko zaie burbuinean eta beraz modu esanguratsuago batean ikasiko dute, horrela gaitasun hau garatuz.
-Informazioa tratatzeko eta teknologia digitala erabiltzeko gaitasuna: Programa erabiltzean, daukaten informazioa sailkatzen ikasiko dute eta programaren erabilera jakin beharko dute erantzun egokiak emateko.


Nori zuzendua:
2. zikloko ikasleei zuzenduta dago eta guk heziketa fisikorako erabili dugun arren, hainbat materiatan erabil daiteke (matematika, ingurunea...). Hala ere, hirugarren ziklorako ariketak sortu daitezke.

Abantailak:
Modu tradizionalean ikasi beharrean, modu dibertigarri eta interaktiboan ikasten dute, erantzun zuzen eta jakintzak, azkarrago eta modu esanguratsuago batean barneratzen dituzte, hau da, ez ikasi eta berehala ahaztutzen, ondo barneratzen zaie.

Errekurtsoak:
-Scratch
-Ordenagailua
-Internet
-Klase guztiarentzat egin nahi bada, arbel digitala.   

Tutoriala:  

nbaperu on livestream.com. Broadcast Live Free

Sekuentzia didaktikoa. Argitalpen digitala.

Ikasleen ezaugarriak:
3. zikloko ikasleei zuzendua, bereziki 6. mailako ikasleei. 23 ikasle daude klasean, horietatik 13 mutil eta 10 neska. Atzerritarren bar badago, baina integratuta dago. Ikasleen gurasoek maila sozioekonomiko ertainekoak dira.

Kurrikulumean duen kokapena:
Heziketa Fisikoko irakasgaiaren barruan kokatuta dago, eskupilota garatzeko garaian.

Landutako gaitasunak:
-Ikasten egiteko gaitasuna. Takoak nola egin ikasiko dute.
-Norberaren autonomiarako gaitasuna. Azalpena eta gero haien kabuz, modu egokiaz, takoa egitea lortu behar dute.

Ikasleen eta irakaslearen partaidetza:
Ikasleen partaidetza aktiboa izango da (azalpena eta gero takoa ekoiztu behar dute), baita irakaslearena ere. Azken honek, laguntza eskeini eta gidatu beharko du.

Ikasleek ekoiztu beharrekoa:
Ikasleek takoak ekoiztu beharko dute pilotan aritu ahal izateko.

Beharrezko errekurtsoak:

-Takoa
-Mukia
-Esparadrapoa
-Guraizak/ Artaziak     

Pausuak:
1- Eskuak garbitu.
2- Materiala moztu.
3- Mukia itsatsi.
4- Pare bat esparadrapo ipìni.
5- Hatzen aspiko takoak ipini.
6- Esparadrapoz estali.
7- Hatzen takoak ipini.
8- Esparadrapo tira txikiekin takoa estali hatzaren inguruan. 

Ebaluazioa/Errubrika:

EBALUAKETA	BAI	GUTXI-GORA-BEHERA	EZ
Eskuak garbitu              %5	%100	%0	-%100
Material ondo moztu             %10	%100	%50	-%75
Mukia egoki itsatsi             %15	%100	%40	-%40
Hasierako esparadrapoa ipini                %10	%100	%60	-%100
Hatzen azpiko takoak ipini eta esparadrapoarekin estali                      %25	%100	%0	-%100
Hatzen takoak ipini                 %25	%100	%0	-%100
Hatzen inguruan esparadrapoa jarri                %10	%100	%25	-%100

Sekuentzia digitalaren bideoa:  
   

LIVE STREAM.

Helburu hezitzailea:

Alde batetik, irakaslearen azalpenak erakargarri egiten ditu ikasleentzat, azalpena interneten guk sortutako katean gordeta geratzeaz gain, umeak praktikoki eta ikusten dutelako egiten dena.Beste aldetik, haurrek egindako lanen azalpena aurkeztu dezakete ikasgela guztiarentzat eta irakaslearentzat ebaluazio tresna interesgarria bihurtu daiteke.

Landutako gaitasunak: 

-Informazioa tratatzeko eta teknologia digitala erabiltzeko gaitasuna. Ikusten duten informazioa praktikan jartzeko gaitasuna garatzen dute eta horretarako teknologi digitalen erabilera beharrezkoa da.

-Hizkuntza-komunikaziorako gaitasuna. Praktikan egiten ari direna eta azalpenetan momentu horretan esaten ari direna bat etorri beharko da azalpena ulergarria eta zentzuzkoa izateko.

-Ikasten ikasteko gaitasuna. Euren kabuz tutoriala ikusi eta gero azaldutakoa erabiltzen hasiko dira eta euren kabuz ikasiko dute bere erabilpena.

Nori zuzendua:

Bigarren eta hirugarren zikloko ikasleei zuzenduta dago edozein materietan aplikatu daitekelako eta sekulako aukerak eskaintzen dituelako.

Dakarren abantailak: 

Klaseak etxetik ikusi al dira, ikalse bat gaixorik badago adibidez, klasea galdu eta atzeratuta geratu ordez, bere etxetik klasea jarraitu ahalko du, naiz eta fisikoki bertan ez egon.

Erabili beharreko errekurtsoak:   

-Interneta 

-Live Stream  

-Ordenagailua

-Mikrofonoa

-Webcam edo bideokamara

-Klasean ikusi nahi bada, arbel digitala edo proiektorea.

Watch live streaming video from magisteritza at livestream.com

PIXTON. NOLA SENDATU ZAURI BAT.

Helburu hezitzailea: 
           Umeek ikusgarria eta entretenigarria den komiki sinple baten bidez ikasi ahal izango dute zauri bat egiterakoan, nola garbitu, nola sendatu.

Landutako gaitasunak eta horren zergatia 
       Umeek komiki baten bidez, zauri bat nola sendatu behar den ikasiko dute,   kasu baten irudikapenaren bitartez. horren bitartean, beste balio batzuk garatzeko erabili dezakegu sekuentzietan zehar edozein balio aipatuz (zaborra zakarrontzira...).

Nori zuzendua
        Komiki eta sekuentzia didaktiko hau, Lehen Hezkuntzako lehenengo ziklotik aurrera landu dezakegu.

Dakarren abantailak
       Komiki sinple honi esker, umeak hemendik aurrera buruan geratuko zaie zauri baten sendaketaren pausu sinpleak eta hemendik aurrera haien kabuz, kapazak izango dira zauri txikiak sendatzeko. Honi buruzko informazioa eta jarraitu beharreko pausuak teorikoki landu bagenitu, aipatuz eta haurrek buruz ikasiz, hirugarren egunerako ahaztuta izango zuten. modu honetan, berriz, burmuinean geratuko zaie konturatu gabe.

Erabili beharreko errekurtsoak
        Ordenagailua edo arbel digitala, eta internet.
        Pixton.

Watch live streaming video from magisteritza at livestream.com

5. EKARPENA

EDUCACIÓN VIRTUAL: AULAS SIN PAREDES

AUKERAKETAREN ZERGATIA:

      Artikulu hau aukeratu genuen, eskoletako gaur egungo errealitatea aurkezten duelako eta arazoaren hainbat arrazoi azaltzen dituelako.

IRUZKINA:
      Artikulu honetan bi gauzei garrantzia eman behar diegu. Alde batetik, material birtualen eta bitarteko berrien sorketa eta, eta beste aldetik, irakasle berrien formazioa konpetenteak izateko teknologiak aplikatzerakoan eta irakasle zaharren formazioa alfabetatzeko teknologi berrien testuinguruetan.
    Artikuluan esaten den bezala, gizartea aldaketa sakona jasan du azken urteetan teknologiak direla eta; hala ere, administrazioak ez du lortu eskola  egoera berriari egokitzea, ez espazioa, ez materiala. Ondorioz, eskoletan teknologi berriak ez dira guztiz aurrera eramaten eta metodo berdina erabiltzen da teknologiarekin edo teknologia-gabe. Egoera honetan bi arrazoi aurkitzen ditugu: irakasleen inkonpetentzia eta materialen falta edo zuzenean ez egotea. Argi dago administrazioa material didaktiko berria (arbela elektronikoa adibidez) eskaintzen duela, baina ez du irakasleriari formazio espezifikoa eskaintzen metodoa aldatzeko eta horren eraginez eskolek ez dute aurrera egiten. Honen arazo nagusia haurren formazio baxua eta konpetentzia falta da.
      Gaur egungo gizartean haurrek helduek baino gehiago dakite ordenagailu eta teknologien inguruan, haiek baitira natiboak testuinguru honetan, baina eskola gai izan behar da potentzial guztia ateratzeko eta teknologien erabilpen egokia gauzatzeko. Hau lortzeko, testuan jartzen den bezala, espezialista ezberdinen lanaren bidez lortu behar da, hots, pedagogoak eta ingeniari  informatikoak, adibidez, taldeka lan egitea material berriak sortzeko. Espezialista baten ezagutzak beste baten eskuetan jartzea eta alderantziz, helburu berdina lortzeko: material berria sortzea eskola eta irakasleek metodo eta heziketa hobea lortzeko. Oso zaila da hau aurrera eramatea, baina esfortzu pixka batekin eta administrazioaren finantzazioarekin egin daiteke.
    Artikuluan jartzen duen beste gauza interesgarria eskola kanpoko gela birtualak dira. Gela mota hau oso baliagarria dela ulertzen dugu. Haur batek gaixorik badago edo etxeko lanak egiterakoan arazoak baditu, interneten sartzen bere arazo guztiak argitu ditzake. Gainera, tutoretzak antolatu ahal dira eskolatik kanpo irakaslearen eta ikasleen arteko interakzioa emateko eta guztien artean arazo ezberdinei irteera emateko.
                                  
                                      ARTIKULUA IKUSTEKO HEMEN KLIKATU

4. EKARPENA

Hezkuntzak, nola aprobetxatzen du teknologia?

AUKERAKETAREN ZERGATIA:
     
      Teknologi berriak gora teknologi berriak behera ari garenez etengabe, egokia iruditu zait idatzi hau komentatzea aipatzen baituelako gainetik irakasle asko zergatik garelako mundu berri honetan sartzeko beldur. Horren inguruan eztabaidatzea eta, beraz, arrazoi horiek argi izatea oso garrantzitsua izango da gure hurrengo pausurako: teknologia berriak erabiltzen ikasten hastea.

IRUZKINA:

        Artikulu honetan esaten duen moduan, lehenengo gauza da ulertzea teknologia erabiltzeko aukera izatea ez dela behar dugun guztia, horrek eman ahal digun mami guztia ateratzeko eta aprobetxatzeko. Hobeto ulertzearren, artikuluan bertan erabilitako adibidea oso garbia ikusten dut: mikroondas-a.
      Horren arabera, artikuluan zehar azaldu nahi dena da, garrantzia ez dela teknologia gure esku izatea eta edozein modutan erabiltzea, baizik eta, gure esku daukagun teknologia berri guzti horiek, jakitea zelan erabiltzen diren, horrek eskaini ahal dizkigun abantaila eta aurrera emateko aukera handi horiek erabiltzen eta aprobetxatzen jakitea.
      Egoera hau aztertuz, kontura gaitezke oraindik jende asko dagoela egunerokotasunean daukagun aldaketa honen beldur dela. Horren arrazoiak ezberdinak izan ditzakete:
            * Aurreko generazioaren jendea (gure kasuan irakasleak), ez duelako teknologi berriak inoiz erabili     eta ez ditu horri buruzko inolako abileziarik.
            * Bitarteko berri hauek, ondo kontrolatzen ez dituzten jendea, horrek menperatuko duten edo ez beldur dira eta, hortaz, bi aukera izango dute: ausartu erabiltzera edo ez ausartu.
            * Edo, posible da ere, teknologia berriak erabiltzen jakitea haien kabuz, baina ez dakite haiek erabili dezaketen bitarteko hauek haien probetxurako zelan erabili.
            * …
 
       Artikuluak argi aipatzen duen moduan, arrazoi hauen laburbiltze edo hausnartze moduan, teknologia berri hauen erabilpena aspektu bat baldintzatzen du: ez du balio teknologia erabiltzen jakitearekin bakarrik eta horrek dakarren zalantza bakarra aztertzearekin bakarri, hau da, aztertu behar dena edo galdetu behar garena ez da teknologi berri hauek erabiltzea edo ez erabiltzea. Kontuan izan behar duguna da:
            * Bitarteko bakoitzaren erabileraren modu ezberdinak
            * Erabilerak zein onura eman ahal dizkit jakin beharko dut
            * Arriskurik izan gabe erabilpen askea izateko menperatu beharko da
 
       Orokorrean, beraz, teknologia berriak ezagutuz, ulertuz eta menperatuz erabili beharko ditugu haiek dakartzaten onurak gero eta gehiago garatuz eta aurreratuz.
                                         ARTIKULUA IKUSTEKO HEMEN KLIKATU

3.EKARPENA

La tecnología y la educación.

AUKERAKETAREN ZERGATIA:

    Artikulu honetan agertzen da metodologia eta teknologi berrien arteko harremana, hau da, teknologi berrien sorrera, metodologia aldatu behar duela eta zein den gornuaren eta irakasleen erantzukizuna . Nahiz eta artikuluan gauza batzuekin ados ez egon, artikulua interesgarria da.

IRUZKINA:

    Artikulu honetan puntu oso bitxiak agertzen dira. Puntu horietan errealitatean gertatzen dena irudikatzen dute.

    Hasieran, Juan Francisco Diez idazten du, nola gaur egun teknologiak heziketan beharrezkoak diren. Izan ere, kontuan izan behar dugu eskola ikasleak sozializatzen dituela eta bere eginkizuna ikasleen premiei erantzutea dela. Hau kontuan hartuta, ulertu behar dugu, irakasleok teknologiak erabili behar dugula nahi eta ez, gaur egungo irakasle bat teknologiak erabiltzen ez baditu, ez du lortuko irakasle oso ona izatea.

    Juan Carlos Rodriguez artikuluan aipatzen du, hezkuntzako metodologia txarra dela esaten duelako, hau da, pentsatzen du gobernuak ez duela kasurik egiten teknologiei. Gure ustez, ez du arrazoi osoa,baina bai esaten du egia gauza batean; gobernuak teknologiak eskaintzen ditu eskolei, baina irakasle “zaharrei” ez die formakuntza ematen teknologi horiek metodologi berri batekin erabiltzeko eta bitarteko berriak egoki erabiltzeko.

    Artikuluaren bigarren zatian, unibertsitatean sortu diren campus birtualei buruz hitz egiten du adibide on bat bezala. Gure ustez, campus birtualak ez dira ezertarako balio funtzio ona ez badute, hots, irakasleok erabili ditzakegu informazio eskaintzeko edo ariketak bidaltzeko, baina horretarako ez dugu behar campus birtual bat, bakarrik korreo elektronikoa edo klaseetan material hori ematea. Berriz, aplikazio txar baten aurrean aurkitzen gara, metodologi klasiko baten aurrean eta ez gara konturatzen metodologia aldatu behar dugula edo bitarteko berriei egokitu, hezkuntza esanguratsua gauzatzeko.

    Bukatzeko, oso interesgarria da azkeneko lerroetan jartzen duena: irakasle askok erreminta izan arren, ez dute erabiltzen. Irakasle askok, lehen esan dugun bezala, teknologiak ez dute erabiltzen edo txarto erabiltzen dute ez dakitelako nola erabili; formakuntza ez dutelako eta oso zaila egiten zaie teknologiak erabiltzea. Beste irakasle batzuk, teknologiak ez dute erabiltzen ez dutelako nahi eta ez dira konturatzen lortzen duten bakarra ikasleei kalte egitea dela.

                                      ARTIKULUA IKUSTEKO KLIKATU HEMEN

2.EKARPENA

Influencia de las NTIC (Nuevas Tecnologías de la Información y las Comunicaciones) en la enseñanza

AUKERAKETAREN ZERGATIA:

    Artikulu hau aukeratu genuen, bertan oso ondo azaltzen dituelako NTIC-en ezaugarri eta alde onak nahiz eta gure ustez alde txar edo negatiborenbat ere izan ahal duen. Gainera irakaslearen papera aipatzen du eta oso interesgarria iruditu zitzaigun puntu hori.
    

IRUZKINA:   

    Artikulu honetan NTIC-ei (Nuevas Tecnologías de la Información y las Comunicaciones) buruzko ezaugarriak, eskaintzen dituen aukerak eta dituzten abantaila mordoa formakuntzan eta hezkuntzan aplikaturik azaltzen dizkigu, baita irakasleek eta planteatutako ariketek izan behar dituzten ezaugarriak ere, hezkuntza modu “berri” honetan.
    NTIC-ek estandarizazio eta adekuazio aukera handiak eskaintzen dizkie bakoitzaren behar pertsonalei eta hezkuntzarenei. Honek, aukera argi batean bihurtzen du deszentralizazioaren aurrean eta gainera kostuak eta denbora murriztu, behar gehiagori erantzuna eman, informazio gehiago lortzeko aukera... egiten dute. Argi dago, ezaugarri positibo asko dituela (formakuntza pertsonala eskaintzen du, nork bere aukeren arabera planteatu dezake ikaskuntza, erosotasuna... baina gure ustez kontrako puntuak ere badaude (batzuetan informazio ez oso fidagarria lor dezakete, errealitatearen ikuspuntu partziala eman dezakete, aislamentua sor dezake...) eta horregatik, nahiz eta NTIC-a  eskolan sartzearen alde egon ez dugu pentsa behar hauek sartzearekin arazo guztiak konponduko ditugula eta beti ere informazio egokia hautatzen eta baliagarria dena aukeratzen erakutsiko diegu, hau da, kritikoak izaten. Dagoen guztia ez baita ona ezta egia ere.
    Informazio eta komunikazioaren teknologiak (telebista, inprenta, irratia...), gure gizartean eta kulturan paper garrantzitsua jokatu dutela dio eta egia da eurak falta zaizkigunean soilik ohartu edo konturatzen garela teknologi horrek gure artean duen garrantziaz, baina uste dugu, garrantzi horren portzentai altu bat behintzat guk bertan sortutakoa dela eta berez beharrezkoak ez ditugun arren, mundu honetan ezinbesteko bihurtu ditugula.
    Irakaslea NTIC-ren inguruan modu ezberdinetan kontsideratua dago: Prozesu guztiaren kordinatzaile moduan, informazio emaile eta jarrera eta jakintzen igorle moduan, motibatzaile moduan... Gu guztiz ados gaude baieztapen hauekin baina uste dugu, gaur egun behintzat, ez dituztela nahikoa baliabide jartzen ez irakasle hauen formakuntzan ezta materialaren hornikuntzan ere. Horregatik, irakaslegoan paper aldaketa proposatzen da eta ondorengo printzipioak planteatu: Partehartzean eta ikaslearen errespontsabilitatean jartzea bere prozesua, bakoitzari egokitutako informazioa eta aukerak ematea... Hauek guztiak ikaslearen hezkuntza prozesuan lagundu dezakete baina gure ustez, egoki erabiltzea beharrezkoa da, soilik teknologia erabiltzeak ez baitu ezer segurtatzen, irakalsea gainean egotea eta prozesua zuzen doela segurtatzeari ezinbestekoa deritzogu.
    Laburbilduz, ederki deritzogu informazioaren eta komunikazioaren teknologi berriak hezkuntzan murgiltzeari, etorkizunean teknologiaren garrantzia handituz joango delako eta ikasleentzat beharrezkoa izango delako etorkizunean baina irakaslearen papera nabarmendu nahi dugu, berak lagundu behrako diolako ikalseari eta gida moduko bat izango da eta bertan emandako informazioa modu kritikian tratatzen erakutsi beharko lukeela uste dugu.
                                         ARTIKULUA IKUSTEKO HEMEN KLIKATU

1. EKARPENA.

DELITOS TECNOLOGICOS

 
AUKERAKETAREN ZERGATIA:
    
     Artikulu hau aukeratu genuen, bertan azaltzen duelako teknologi berriek, delinkuentzia mota berriak ekartzen dituztela eta nola estatu askok zentsura eta murrizketaren bidea hautatu duten honekin amaitzeko, biztanleei zuzen erabiltzen erakutsi beharrean.

 IRUZKINA:

     Artikulu honetan, esaten digu nola oraindik ez dire munduko jende guztiarengana iritsi teknologi berriak eta guztien eskubidea izatetik eta guztiengana iristea bilatu ordez, estatu asko zensuratzera edo mugatzen ari direla azaltzen digu, eta nola delinkuente eta delinkuentzia mota berriak azaltzen ari diren, horren errua teknologia berriei egotziz. Hau oso planteamendu desegokia izanik, pertsona horiei galarazi beharko baizitzaien teknologi berriak erabiltzea eta ez guztiei. Gainera, teknologi berrien eskutan dago etorkizuneko (eta gaur egungo) hezkuntza.
    Mugikorren arazoa ere azaltzen du, pertsonei egoera ez egokitan grabatu, argazkia atera... eta ondoren argazki horiek interneten argitaratzen baitiztuzten. Ez zaigu egokia iruditzen eta gainera pertsonen intimitatean sartzen dira, horregatik justizia, delitu mota hauek salatzen hasi zen. Beste moda bat ere sortu zen “happy slaping” deritzona, pertsona bati belarrondoko bat ematea eta grabatzea, eta inori ez zaigu egokia iruditzen eta noski salagarria da, baina hartutako neurriak, mugikorrak ez erabiltzen uztea, portatilen erabilera murriztea... ez zaizkigu egokiak iruditzen, ez arazoarekin amaitzeko ezta teknologi berriak modu egokian erabiltzen dituzten pertsonendako. Horrela lortzen dutena, ekintza burutu duena libre geratzea eta teknologi berrien erabiltzaileak fastidiatzea da, ekintzen autoreak identifikatzea oso zaila delako eta errezagoa delako denak sospesotxotzat hartzea.
    Teknologi berri bat sortzen denean edo kulturaren parte bihurtzen denean, gizartearen betebehar edo eginkizuna da horren erabilera eta funtzionamendu egokia azaltzea eta ez ordez salatzea, gizartea herraminta bat izan beharko zen, gazteek zer egin daitekeen eta zer ez ikas zezaten.Gazteak direlako teknologi berri hauen erabilera ez egokian erortzen direnak, euren ongizaterako balio beharrean.
    Gu preokupatzen gaituen arazo nagusia, ea hezkuntza garapen teknologiakoaren mailan jarriko den da, horrela bere potentzial guztia garatzeko. Horretarako prestatutako jendea eta noski inbertsio eta irakaslegoa prestatzeko programak beharrezkoak lirateke.
    Teknologi berriek agerian jarri dute gaur egun jasaten dugun baloreen krisia eta gure ustez soluzioa, teknologia guztien esku jartzea da, gaizki erabiltzen dituztenak zigortuz eta euren funtzionamendu egokia erakutsiz, adin bakoitzera egokituz.
    Laburbilduz, teknologia berriak ahalik eta jende gehienarentzat eskuragarri jartzea beharrezkoa da, baina teknologi horiek zuzen erabiltzen irakastea  ere nahiatezkoa da bestela arazoak sortu daitezkelako modu ezegokian erabiltzeko arriskua egongo delako eta uste dugu behingoz ixiltasunaren legea hautsi beharra dagoela eta teknologi berriak min egiteko erabiltzen dituen pertsona salatu beharra dagoela. Gainera etorkizuneko hezkuntzan ezinbesteko tresna eta informazio iturria denez, berebiziko garrantzia du zuzen erabiltzen ikasteak.
                                   ARTIKULUA IKUSTEKO HEMEN KLIKATU